牛初乳-營養最豐富的牛奶
一般牛奶營養成份不足?牛初乳含有珍貴的生長因子，可加速膠原再生，修補受損或老化的肌膚，發育成長。亦含豐富IgG可增強天然免疫力。


牛初乳功效【牛初乳大揭秘】
唔知大家去北歐旅行嘅時候有冇試過當地嘅甜品，譬如丹麥嘅鬆餅球、芬蘭嘅曼米，仲有瑞典嘅窩夫餅同公主蛋糕等等，呢啲甜品喺歐洲享負盛名，相信大家就算冇食過都聽過吓。但唔知大家又有冇聽過一種幾乎失傳嘅瑞典甜品──Kalvdans呢？Kalvdans喺2008年畀意大利慢食協會評選為四款瑞典區瀕臨絕種菜式之一，佢特別在於只係用咗兩種材料焗製而成，分別就係牛初乳同埋水。或者你會好奇，竟然就咁用兩種液態食材焗成？味道唔會好寡咩？又唔會有好重奶膻味㗎咩？食落口係咪好似奶凍咁？唔會，唔係，錯晒！由於牛初乳比起普通牛奶含有更多蛋白質，所以喺焗嘅時候會凝結，形成類似布甸、蛋撻嘅質感，同時佢含有嘅乳糖成份又比牛奶少，所以食落唔會太甜、聞落唔會太膻。蛤？點解呢種牛初乳同我哋認識嘅牛奶差咁遠嘅？唔係都係牛奶嚟㗎咩？究竟係咩嚟㗎？唔洗心急，等小編慢慢解釋畀你聽啦！


牛初乳係咩？ 同牛奶有啲咩分別？
雌性哺乳類動物喺產後2至3日分泌嘅乳汁叫做「初乳」（Colostrum），往後分泌嘅叫做「常乳」。而牛初乳（Bovine colostrum），就即係母牛喺分娩後72個鐘內分泌嘅乳汁。

雖然佢哋都係牛奶，但形態同成份都好唔同。牛奶嘅顏色偏黃，質感較稀，牛初乳嘅顏色就偏白，較為濃稠，單憑肉眼都可以分辨到。而且一般嚟講，無論係人類定係動物，初乳含有嘅營養成份都會比常乳豐富，等動物BB可以喺啱啱出世嘅時候有最全面嘅保護。亦因為係畀啱啱出世嘅動物BB食，所以牛初乳乳糖同脂肪含量都比普通牛奶少，但營養成份，譬如蛋白質、礦物質、溶菌酶同維他命，都比普通牛奶多好幾倍。除咗蘊含嘅營養唔同，牛初乳亦含有豐富嘅免疫因子同生長因子，而普通牛奶冇，所以兩者嘅功能唔同，後者主要係補充營養素，前者就主要係為身體提供免疫功效。由於牛初乳產量好少，一隻乳牛平均每年只會生產大約三十公斤，非常珍貴，而且牛初乳蘊含嘅營養素對人體有好多好處，所以又有「軟黃金」嘅稱號。


牛初乳有啲咩特別功效？
正如頭先所講，牛初乳含有豐富嘅營養，可以有效針對唔同年齡層嘅唔同需要。

牛初乳對BB同小朋友嘅發育成長起到好大幫助，因為豐富嘅蛋白質同鈣質可以促進發育，而免疫球蛋白同乳鐵蛋白係天然抗體，有增強免疫力同抗菌作用，為嬰幼兒嘅身體提供最全面嘅保護。
除此之外，牛初乳豐富嘅免疫球蛋白有抗衰老嘅功效，可以加快皮膚修復同細胞生長，保持皮膚彈性，而比起牛奶多出10倍含量嘅鐵質亦會製造血紅素，保持面色紅潤，回復青春，啱晒女士們，特別係啱啱生完BB嘅新手媽咪，因為豐富嘅鐵質同鈣質更加可以為媽咪補身，改善產後虛弱嘅身體添！
而且牛初乳含有嘅蛋白質同維他命A都有加速細胞增長嘅功效，促進傷口復原，特別係做完手術嘅人想傷口完美癒合，進食牛初乳就最有效嘞！
仲有仲有，銀髮族們隨住年紀增長，身體容易出現肌肉、關節勞損嘅情況，鈣質同鐵質可以修補受損嘅骨骼同關節組織、強化骨質，亦都會加快軟骨組織嘅形成，改善痛風、關節酸痛等等嘅問題，仲可以增加活力。
所以話，牛初乳的確係無論男女老幼都啱用嘅「軟黃金」！


牛初乳有咩副作用？
牛初乳係冇副作用嘅，任何人都啱食，包括小朋友、銀髮族、孕婦或者授乳期婦女，特別係需要補充天然生長因子同免疫球蛋白嘅人士。但記得要注意攝取嘅份量，如果過量吸收咁就會有反效果，例如輕微腹瀉、腸胃不適，所以飲用牛初乳要適可而止，唔係吸收得愈多就一定愈好。

同時，市面上有好多牛初乳產品標榜可以取代母乳比初生BB飲用，但其實牛初乳同母乳嘅營養成份差好遠，如果齋比BB飲用牛初乳嘅話，可能會令BB攝取唔到足夠營養，令身體缺乏免疫力，亦會影響發育。另外，牛初乳含有大量促性腺激素，會令BB無辦法自然新陳代謝，造成早熟嘅情況，所以初生BB係唔適合淨係飲用牛初乳嚟取代母乳，新手媽媽應該將牛初乳溝落母乳畀BB飲，咁樣先可以真正發揮到牛初乳嘅功效。


牛初乳推薦

坊間有好多唔同款式嘅牛初乳產品，單係形態就已經分為粉劑同埋片狀，究竟邊款好啲？點樣比較唔同牛初乳？又應該點樣揀適合自己嘅牛初乳保健品呢？進食保健品嘅首要條件一定係適合自己，兩種形態嘅牛初乳功效都差唔多，所以喺揀食邊款牛初乳產品嘅時候應該要睇吓自己嘅需要。例如初生BB唔識咀嚼，所以應該揀粉劑畀BB飲，而大人可以揀經過人工調配嘅片狀牛初乳，充分發揮牛初乳嘅功效。

至於想要甄別唔同品質嘅牛初乳其實唔難，只係需要睇三樣嘢，成份、產地同製造過程。首先，我哋要睇吓唔同牛初乳產品嘅成份，牛初乳嘅成份標籤係呃唔到人嘅，有好多企業都會誇大自己產品嘅成份，標榜自己含有好多人工加入嘅營養素，甚至係一啲獨特嘅賣點，例如唔同口味之類，但實際上，有好多產品只係加入少量牛初乳同營養素、用普通牛奶濫竽充數，或者加入大量化學添加劑，甚至曾經有台灣品牌被揭發牛初乳產品入面根本無牛乳成份！我哋喺購買之前一定要檢查喺包裝上面列出嘅成份，先睇吓到底嗰件產品係咪真係含有牛初乳，然後可以睇吓有啲咩營養素，其中最易睇嘅就係佢嘅IgG含量。免疫球蛋白主要分為五種，包括IgG、IgA、IgM、IgD、IgE，當中以IgG嘅成份對人體最為重要，亦係構成牛初乳嘅主要成份之一。所以，透過一件產品嘅IgG免疫因子含量比例就可以睇到佢究竟有幾足料。

除咗成份，牛初乳產品嘅產地同製作過程都好重要，有唔少地方嘅奶源地環境惡劣，牛初乳喺存放嘅時候好容易就會受到污染，而且生產期間亦好容易因為處理得唔好而令到活性成份流失。所以，購買牛初乳產品嘅時候都應該留意產地同埋有冇經可靠機關認可，以保證產品質素優良。

天然之本嘅牛初乳 + 鈣含有豐富嘅天然生長因子、免疫球蛋白同埋鈣質。每塊牛初乳片仲有大概20%嘅IgG免疫因子，可見用料充足。而且佢係由著名嘅紐西蘭GMP藥廠製造，加工過程受到當地政府同藥廠嚴密監察同控制，確保製成品嘅成份冇問題，亦冇任何人做色素同防腐劑，每批產品運到香港之後仲會送去獨立嘅國際品質檢測中心，通過農藥殘留、重金屬同微生物含量測試，而且產品仲獲得澳洲藥物管理局（TGA）認可，安全可靠。所以要揀牛初乳，就梗係要揀有質素保證嘅天然之本嘅牛初乳 + 鈣啦！