近日紅遍全球嘅日本漫畫《咒術迴戰》終於復刊，關於乙骨同夏油嘅前傳電影亦將會喺今年年尾上映，相信一眾動漫迷都好期待！而唔知大家又有冇發現，其實《咒術迴戰》一班主角嘅名都係以唔同嘅植物命名，例如女主角釘崎野薔薇，個名就包含咗「薔薇」，仲有男二伏黑惠嘅「節黑草」（日語讀音相同）、狗卷棘嘅「荊棘」、東堂葵嘅「葵花」等等。但好多人都唔知，其實男主角虎杖悠仁個名都係植物名嚟！虎杖係一種灌木狀草本植物，主要生長喺東亞地區。虎杖嘅花語係「不可貌相」（見かけによらない），的確，喺中醫學角度嚟講，虎杖係一種藥效多、效力強而嘅平民植物。虎杖微苦微寒，歸肝、膽、肺經，有清熱解毒、祛風利濕、散瘀定痛嘅作用，可以醫治關節痹痛、經閉、癓瘕、咳嗽痰多、燙傷損傷。虎杖之所以有咁多功效，主要因為佢含有豐富嘅營養素，例如有白藜蘆醇（詳細可以睇翻《【白藜蘆醇美容功效】口服嘅化妝品──白藜蘆醇》一文）。除咗白藜蘆醇之外，其實虎杖仲有兩種對有人體好有益嘅元素，分別就係花青素同原花青素。雖然花青素同原花青素都可以喺虎杖度搵到，亦只係差一個字，但其實原花青素同花青素係兩樣嘢嚟。究竟兩樣嘢有咩分別？又有啲咩功效呢？今次就等小編介紹吓究竟花青素同原花青素係咩嚟啦。


咩係花青素？咩係原花青素？

正如頭先所講原花青素同花青素係兩種完全唔同嘅物質嚟。花青素（Anthocyanidins）係一種黃酮類物質，而原花青素（Proanthocyanidins）係一種多酚類物質，由於加熱嘅時候佢會製造花青素，所以呢種多酚類物質叫做原花青素。


原花青素同花青素有咩分別？

1. 化學結構

原花青素同花青素嘅化學結構唔同，原花青素係一種多酚類物質，由大量嘅兒茶素同表兒茶素結合而成，並會按結合程度分為二至十聚體。而花青素係屬於生物類黃酮，由苯基丙酸路徑同類黃酮合成，並由唔同酵素調控催化，兩種物質嘅化學結構並唔相同。


2. 顏色

花青素係一種出現喺植物嘅水溶性色素，我哋之所以見到花瓣同果實會有唔同顏色，例如蘋果、香蕉之類嘅生果未熟嘅時候會青啲，熟咗之後會變成紅色同黃色，正正因為有花青素，隨住細胞液嘅酸鹼而改變顏色。當細胞液呈酸性嘅時候會偏紅色，呈鹼性嘅時候偏藍色。而原花青素係冇顏色嘅，由唔同數量嘅兒茶素同表兒茶素結合而成。


3. 生長環境

原花青素和花青素生長嘅環境唔同。原花青素只會出現喺草本植物嘅表皮或者根莖，例如係虎杖根、花生皮、蘋果皮；而花青素會出現喺深色嘅果實，例如提子、藍莓、桑葚入面。


原花青素好處

1. 原花青素具有抗氧化功效，可以清除會令到細胞急速老化嘅自由基（Free radicals），減低對身體細胞嘅破壞。原花青素亦能夠強化細血管和結締組織，調理微循環系統，例如糖尿病視網膜病變等病症。


2. 原花青素亦可以減少組織胺（Histamine）嘅製造。組織胺係一種神經導體，可以增強免疫系統，保護身體免受細菌感染。所以，原花青素亦都具備抗發炎同舒緩過敏反應嘅功效。


3. 除此之外，原花青素可以減低壞膽固醇（LDL）嘅氧化，亦會延緩血小板嘅凝聚。所以原花青素可以改善血液黏稠度，預防動脈硬化，減低患上心血管疾病嘅風險。


花青素好處

1. 花青素都有天然嘅抗氧化作用，有助清除人體內嘅自由基。因為佢嘅抗氧化能力大概係維他命E嘅50倍，可以清除自由基，抑制細胞老化。


2. 花青素亦可以分解人體內嘅膽固醇同增強增強血管嘅韌性，保持血管暢通，減低出現心血管問題嘅機會，同時穩定其他器官嘅功能。


3. 花青素可以增加眼部血管嘅血液流量，強化新陳代謝，保護眼部嘅微絲血管，減少藍光對眼睛水晶體同視網膜嘅傷害，改善眼睛疲勞問題。


花青素副作用

目前已知嘅原花青素副作用係零，只係如果吸收太多花青素，會令到牙齒染色，所以記住要刷牙清洗。


原花青素副作用

理論上原花青素副作用都係零，不過佢會抑制血小板凝集，影響身體凝血所需嘅時間，有機會導致流血不止嘅情況。所以血液循環系統失調或者服用緊薄血丸嘅人士就最好唔好服用。


原花青素推薦

市面上有林林總總嘅原花青素產品，雖然好多產品都標榜含有原花青素，但由於難以提取，以致營養素嘅含量少之又少，質素參差。而「健知己」白藜蘆醇×Q10由含有豐富原花青素嘅日本虎杖根，紅葡萄皮同紅葡萄籽精華化學提萃，冇任何人工色素同防腐劑之餘，原花青素嘅含量亦有所保證。而且呢款原花青素產品價格相宜，絕對係助你維持心血管健康嘅良心產品。所以，識揀一定揀「健知己」白藜蘆醇×Q10！